Dekhaa hai zindagii ko kuchh itnaa qareeb se

7th May
http://www.youtube.com/watch?v=32yKIoGCDnk
Dekha Hai Zindagi Ko Kuchh Itna Kareeb Se - Kishore Kumar
Movie : Ek Mahal Ho Sapnon Ka (1975)
Singer : Kishore Kumar
Music : Ravi
Lyricist : Sahir Ludhianvi

Dekhaa hai zindagii ko kuchh itnaa qareeb se
chehre tamaam lagne lage haiN ajeeb se

kahne ko dil ki baat jinhe dhoondhte hum
mehfil mein aa gayein aaj apne naseeb se

neelaam ho raha tha kisi naazneen ka pyaar
qeemat nahi chukaii gayi ek gareeb se

teri wafa ki laash pe la main hi daal dun
resham ka kafn jo mila hai raqeeb se

is rengati hayaat kaa kab tak uThaayeiN baar
beemaar ab ulajhne lage haiN tabeeb se
hayaat = life
baar = weight
tabeeb = doctor/healer

har gaam par hai majamaa-e-ushshaaq muntazir
maqtal ki raah milti hai kuu-e-habeeb se
gaam = step
majmaa = crowd
ushshaaq = lovers (Plural of aashiq)
muntazir = awaiting
maqtal = place of execution
kuu-e-habeeb = lover’s street

is tarah zindagi ne diyaa hai hamaaraa saath
jaise koi nibaah rahaa ho raqeeb se
raqeeb = rival

ai rooh-e-asar jaag, kahaaN so rahi hai tu
aawaaz de rahe haiN payambar saleeb se
payambar = prophets
saleeb = cross ( reference to crucification of jesus)